HJÓLASKAUTAHÖLLIN
Húsreglur / umgengnisreglur

Öllum gestum Hjólaskautahallarinnar ber að kynna sér eftirfarandi reglur og undirrita ábyrgðaryfirlýsingu.

• Börn eru ávallt á ábyrgð forráðamanna.
• Skautarar skulu bera hjálm og viðeigandi öryggishlífar. 
• Gestum ber að gæta skynsemi og tryggja öryggi sitt og annarra.
• Hlustum á líkamann, förum á eigin hraða og þekkjum okkar getustig. Forðumst klæðnað og aukahluti sem flækjast eða hrynur af. 
• Sýnum virðingu og tillitssemi. Slæm framkoma verður ekki liðin.  Einelti, ofbeldi og ógnandi hegðun er undantekningarlaus brottrekstrarsök.
• Umgengni í og við hús skal vera snyrtileg og rusl flokkað í viðeigandi ílát.
• Ekki má fara inn á skautagólf á útiskóm (nema með skóhlífar).
• Neysla matar (þ.á.m. tyggjó) er bönnuð á skautagólfi.
• Aðeins má neyta drykkja í lokuðum ílátum. 
• Reykingar og neysla tóbaks er bönnuð í húsinu, þ.m.t. rafrettur og nikotínpúðar.
• Neysla áfengis og hugbreytandi efna er almennt bönnuð. Undir engum kringumstæðum má skauta undir áhrifum þeirra.
• Myndatökur og dreifingar mynda eru áskildar samþykki.
• Verðmæti eru á ábyrgð eiganda.
• Tjón er á ábyrgð þess sem því veldur og ber að tilkynna það samstundis.

​ÁBYRGÐARYFIRLÝSING

Tilbúin til undirritunar á staðnum

• Ég hef kynnt mér reglur hússins og ábyrgist að ég og börn í minni forsjá munu fylgja þeim á meðan á viðveru í húsinu stendur.
  
• Ég tek ábyrgð á því tjóni sem ég og börn í minni forsjá kunna að valda á munum og öðru fólki.
• Ég samþykki að fylgja leiðsögn aðstandenda RDÍ sem gefin er til að tryggja öryggi mitt og annarra og lágmarka hættu á meiðslum og slysum.
• Ég er upplýst/ur um að aðstandendur RDÍ hafa rétt á að neita mér aðgöngu og/eða brottvísa mér frá viðburði án endurgreiðslu, telji þau framkomu mína eða ástand ógna öryggi mínu eða annarra.
• Ég lýsi því yfir að ég og börn í minni forsjá höfum fullnægjandi heilsu til að taka þátt og að heilsuástand mitt/okkar sé ekki slíkt að það ógni öryggi mínu/okkar eða annarra. Þá mun ég upplýsa aðstandendur RDÍ um hvað sem gæti haft áhrif á getu mína/okkar til að taka þátt að einhverju leyti.

Með undirritun staðfesti ég að hafa lesið og skilið ábyrgðaryfirlýsinguna sem gildir nú sem samningur á milli mín og RDÍ. Ábyrgðaryfirlýsingin er ótímabundin.